Starfsmenn miðstöðvar PMTO-FORELDRAFÆRNI

Margrét Sigmarsdóttir, sálfræðingur Ph.D. og forstöðumaður PMTO-FORELDRAFÆRNI á Íslandi
Sími: 530-2632
Sími: 864-9462

Margrét Sigmarsdóttir er forstöðumaður Miðstöðvar PMTO-FORELDRAFÆRNI.

Hún lauk kennaraprófi árið 1987, embættisprófi í sálfræði árið 1996, hlaut sérfræðiviðurkenningu árið 2007 og lauk doktorsprófi á sviði klínískrar sálfræði barna (PhD) árið 2013. Margrét er með víðtæka þjálfun í PMTO meðferð og kennslu og hefur verið leiðandi í innleiðingu gagnreyndra meðferðarúrræða hér á landi ásamt því að starfa með bandarískri rannsóknar- og fræðastofnun á sviði hegðunarraskana. Margrét hefur birt greinar í íslenskum og erlendum ritrýndum tímaritum um hegðunarraskanir og meðferð vegna þeirra. Hjá Miðstöðinni hefur Margrét yfirsýn yfir öll verk sem unnið er að. Hún gerir áætlanir og sér til þess að þeim sé fylgt eftir, sér sérstaklega um framkvæmd rannsókna sem einingin er aðili að og samstarf við bandaríska sérfræðinga. Hún er jafnframt aðal framkvæmdaraðili við gerð námsefnis og vegna menntunar nýrra meðferðaraðila og handleiðara.

 

Edda Vikar Guðmundsdóttir, sálfræðingur og teymisstjóri
Netfang: edda@bvs.is
Sími: 530-2631
Sími: 782-3454

 

Edda Vikar Guðmundsdóttir er starfsmaður Miðstöðvar PMTO-FORELDRAFÆRNI. Hún lauk embættisprófi í sálfræði árið 2004. Edda hefur starfað hjá Miðstöðinni frá árinu 2005 og hefur víðtæka reynslu í PMTO meðferð, kennslu aðferðarinnar og handleiðslu. Hún heldur utan um FIMP teymi landsins og sér til þess að gagnasöfnun, sem tengd er ákveðnum þáttum innleiðingar, eigi sér stað. Edda er einnig í reglulegu samráði við PMTO svæðistjóra landsins með það að markmiði að þróa og samstilla verkferla sem auka aðgengi foreldra að PMTO þjónustu og viðhalda hárri fylgni meðferðaraðila við aðferðina.

 

Þuríður Sigurðardóttir, félagsráðgjafi og teymisstjóri
Sími: 530-2633

 

Þuríður Sigurðardóttir er félagsráðgjafi og kennari. Hún lauk PMTO meðferðarmenntun árið 2008 og var um nokkurra ára skeið verkefnastjóri PMTO á Akureyri. Þuríður situr í FIMP teymi Íslands. Hún hefur starfað sem félagsráðgjafi til margra ára, bæði í félagsþjónustu og barnavernd og starfar í dag sem verkefnisstjóri Fjölskyldumiðstöðvar í Breiðholti og verkefninu TINNU, sem ætlað er einstæðum foreldrum. Þuríður er í tímabundnu hlutastarfi hjá Miðstöðinni og sinnir einkum verkefnum sem tengjast SMT.

 

Arndís Þorsteinsdóttir, sálfræðingur og teymisstjóri
Sími: 530-2633

 

Arndís lauk embættisprófi í sálfræði árið 1988 og hlaut sérfræðiviðurkenningu árið 2000. Hún lauk PMTO meðferðarnámi árið 2008 og hefur síðan öðlast víðtæka þjálfun og reynslu í PMTO meðferð, handleiðslu og kennslu. Arndís er svæðisstjóri PMTO úrræðisins hjá Reykjavíkurborg og situr einnig í FIMP teymi Íslands. Arndís er í tímabundnu hlutastarfi hjá Miðstöðinni þetta árið þar sem hún kemur m.a. að heimasíðu, handleiðslu nema, kennslu í meðferðarnámi og skipulagi sérþjálfunar sem meðferðaraðilar geta öðlast að námi loknu.

Back to Top
error: Content is protected !!