Velheppnaður PMTO Evrópufundur var haldinn á Íslandi dagana 5. – 6. sept. sl. Á fundinum hittust stjórnendur og teymisstjórar miðstöðva PMTO í Hollandi, Noregi, Danmörku og á Íslandi. Ýmislegt var rætt, m.a. lengd einstaklingsmeðferða, leiðir til að sækja um styrki hjá Nordplus og Erasmus+ til að þróa PMTO úrræði fyrir foreldra sem hafa stöðu flóttamanna. Einnig var rætt um PMTO úrræði fyrir foreldra ungra barna og hvað Evrópulöndin geti lagt fram á næstu alþjóðlegu PMTO ráðstefnu sem ráðgert er að verði haldin árið 2020. Að auki gerði hópurinn ýmislegt skemmtilegt saman sem styrkti félagsleg tengsl milli landanna og vakti það ekki síst ánægju gestanna að skoða fossinn Glym.